Seimen AS er ei etablert byggmeisterverksemd på Voss med lang erfaring innan bygging, rehabilitering og utvikling av eigne prosjekt. Verksemda har marknaden sin i Voss kommune og har i dag 41 tilsette. Som VestlandsHus-forhandlar kombinerer vi lokal kunnskap og lang erfaring med kvalitet og personleg oppfølging gjennom heile byggjeprosessen.
Seimen AS starta med sal av høvla bygningsmaterialar og seinare innkjøpte byggjematerialar for vidaresal. På midten av 1990-talet vart verksemda vidareutvikla til byggmeisterverksemd, og etter kvart vart det tilsett fleire snikkarar.
Verksemda starta med ombygging og rehabilitering, men gjekk snart over til nybygg og større prosjekt.
Dei siste ti åra har utbygging av leilegheiter, rekkehus og hytter i Myrkdalen vore det viktigaste arbeidsområdet. Det største prosjektet er Torggarden, som ligg midt i sentrum av Myrkdalen. Seimen utviklar og byggjer også eigne prosjekt for sal i Myrkdalen og andre stader på Vossestrand.
Nye Sundve skule stod ferdig i 2017 og gav selskapet verdifull erfaring med større prosjekt. Omsorgsbustadene på Oppheim er eit døme på eit prosjekt av ein annan karakter enn hytter og einebustader.
Etter kvart som verksemda voks, vart det behov for å dele opp verksemda i fleire selskap. Nils Harald Seim AS eig alle aksjane i Seimen AS. Aksjonærane er Nils Harald Seim, Eirik Seim og Anders Seim.
Seimen Eigedom AS vart etablert i samband med investeringar i tomter, eldre bygningar og andre eigedomsprosjekt. Selskapet er kontinuerleg på utkikk etter nye prosjekt som kan utviklast.
Utgreiing frå Seimen AS datert 27.06.2023 i samband med Åpenhetsloven § 5a
